LGEPren III. TOPAKETA: JARDUERA ILDOAK

Gorbeialdeko Landa Garapeneko Eskualde Programa berria egiteko prozesuak aurrera egiten jarraitzen du. Gorbeialdeko ingurunearen diagnostikoaren eta oinarrizko AMIAren eraikuntzaren fasearen ondoren, bigarren topaketa parte-hartzailea burutu zen. AMIAtik abiatuta, lehen saioan hautemandako behar eta potentzialtasun garrantzitsuenak definitzeko eta eskualdearen IKUSPEGI estrategikoa sortzeko balio izan zuen. Lehenetsitako behar eta potentzialtasun hauek Lurralde Garapeneko Programan jasotako ARDATZETAN kokatzen dira, eskualdearen ikuspegiarekin lerrokatuta daude eta identifikatutako beharrei eta potentzialari erantzun behar diete.

Honekin guztiarekin, joan den otsailaren 26an hirugarren topaketa parte-hartzailea egin zen, Ingoin Kooperatiba Txikiaren dinamizazioarekin, prozesu honetan guztian laguntzen digun enpresarekin. Topaketak estrategia zehazteko balio izan du, jarduera-ildoak garatzeko lehenetsitako ardatzetatik abiatuta.

Topaketa honetan dinamika bat landu dugu talde txikietan, aukeratutako ardatzen proposamena lantzeko eta eremu bakoitzean jarduera ildoak garatzeko.

Horretarako, saioa 4 mahai tematikoko bi txandatan banatu zen, eta hauetan ardatz bakoitzerako jarduera-ildoen proposamenak landu ziren. Ardatz horietako batzuk honako hauek izan ziren: elikaduraren balio-katea, etxebizitza-eskaintza, ingurunearen kontserbazioa edo ekintzailetza, enplegua eta prestakuntza. Hortik aurrera, jasotako ekarpenak integratuko dira, ekintza zehatzetara eramateko.

Mairuelegorreta Landa Garapeneko Elkartetik eskerrak eman nahi dizkiegu hirugarren topaketa honetan parte hartu zuten guztiei. Hau guztia beraien babesa eta konpromisoari esker da.

Eraikitzen jarrai dezagun!