LANDA-GARAPENEKO ESKUALDEKO PROGRAMA (LGEP)
Landa-Ingurunearen Garapenaren 7/2022 Legeak politika instituzionalek bultzatu eta babestu beharreko jarduerak programaziorako oinarrizko bi tresnaren inguruan egituratuko direla ezartzen du:
· Lurralde-garapeneko programak (LGP)
· Landa-garapeneko eskualde-programak (LGEP)
LGEP-k datozen urteetarako Gorbeialdearen ikuspegi partekaturako estrategia eta ekintza-ildo giltzarriak egituratzeko tresna izan nahi du. Hori dela eta, funtsezkoa da plana egitean eragile, ikuspegi eta eskualdeko behar potentzial eta blokeatzaileen identifikazio bateratua barne hartzea.
2025-2030 Landa Garapenerako Eskualdeko Programa (LGP) definitzeko prozesuan murgilduko gara. Programa honek epealdi honetarako ardatz estrategikoak eta jarduera-ildoak ezarriko ditu, garapen ekonomikoa indartzeko eta gure eskualdeko bizi-kalitatea hobetzeko. Hau, lurraldea osatzen dugun entitateen arteko lankidetzaren bitartez gauzatu nahi dugu.
ELABORAZIO PARTAIDETZA-PROZESUA
Lehenengo fasean, gure eskualdean egun ditugun beharrak, potentzialak eta blokeatzaileak identifikatu nahi dira. Horretarako, 2024ko azaroaren azken astean, Gorbeialdeko biztanle guztiari zuzendutako INKESTA bat zabaldu zen, interesa duten pertsona guztien iritzia jasotzeko eta LGEP egiteko prozesuan aktiboki parte hartu nahi duten pertsonak/eragileak identifikatu ahal izateko. Informazio horrekin, interesadun pertsona guztiei 2024ko abenduan gauzatutako LEHENENGO TOPAKETARA etortzeko gonbidapena luzatu zitzaien.
Hurrengo asteetan inkesten eta tailer parte-hartzailearen emaitzak integratu eta laburbildu ziren, bildutako informazioa hurrengo tailerretan lankidetzan diseinatzeko oinarri izan zedin. 2025eko urtarrilaren amaieran, BIGARREN TOPAKETA parte-hartzailea egin zen, ardatz estrategikoei lotutako beharrak eta ahalmenak lehenesteko eta Gorbeialdearen etorkizuneko ikuspegia diseinatzeko. Otsailaren bukaeran, HIRUGARREN TOPAKETA egin zen, datozen urteetan lurraldea osatzen dugun entitateen artean elkarlanean gauzatuko ditugun jarduera-ildoak zehazteko. Martxoan zehar elkarrizketak egin dira hainbat arlotako adituekin, landutako jarduera-ildoak aberasteko. Hemendik aurrera, azken asteetan lan ildoen inguruan jasotako ekarpen guztiak integratzen ari gara, Gorbeialdean garapen ekonomikoa indartzeko eta bizi-kalitatea hobetzeko ekintza zehatzetara eramateko.
KONTSULTA DOKUMENTUAK:
· Landa-Ingurunearen Garapenaren 7/2022 Legea